وكنا زماااان
أحمد شاهين
وكنا زماااان
مجرد باب بيفصلنا
عن الشارع
واحنا احباب قولولى
ليه بنتصارع
يا أحلى جيران
دا كنا زماااااان بنتهاده
طبق منك طبق منى
وكات عاااااده
وكان الخير لنا وللغير
وبزياااااده
وكنا حقيقى أحلى
جيراااااان
وأه يا زمااااان
تعالى دلوقتى وإتفرج
تقول مسرح وبنهرج
مشاكل كل يوم
بتزيد
وبين الناس وتبقى
وحيد
ولا بنحس يوم بأمان
وكنا خقيقى أحلى
جيرااااان
وأه يا زمااااان
شوارعنا بقت زحمه
فوق العاده
معاملتنا بقت رخمه
ونتمادا
محدش طايق التانى
بنتلكك لبعضينا
تقوم العركه ف ثوانى
ونتشابك بأيادينا
ولا بنحس يوم بأمان
وكنا حقيقى أحلى
جيرااااان
وأه يا زمااااان
يا ما نفسى تعود
الفرحه لبيوتنا
تعود البركه
فى قوتنا
وتتجمع أياااادينا
وتانى نحب بعضينا
ونرجع تانى زى زمان
أحلى جيرااان
وأه . أه يا زماااان.
