الرئيسية » » عايزين يوقعوكي | آسر فاروق

عايزين يوقعوكي | آسر فاروق

Written By Unknown on الأربعاء، 8 أبريل 2015 | 5:39 م


عايزين يوقعوكي 
آسر فاروق


عايزين يوقعوكي 

بالنصل و يدبحوكي 

ولما روحك تطلع 

علي بعض يقسموكي 

فاكرينك قال هفية 

وضعيفة مش قوية 

قالوا هنقدر عليها 

والفرصة أهي مواتية 

بدأوا بمؤمرات 

وشاركوا في مظاهرات

وقتلوا كل حاجة 

وأفتعلوا للأزمات 

وحاولوا يوقعوكي 

في القلب يضربوكي 

حرقوا ياما كنايس 

فاكرين هيفجروكي 

لكنك كنتي صلبة 

وقفتي واقفة جامدة

واقفة كالجبال

لربك كنتي ساجدة 

صدرك كان كبير 

وأتـحملتي الكتير

وكنتي اقوي منهم 

ومشيتي ف التعمير 

وثبتي إنك قوية 

وإنك منتيش هفية 

وصديتي ببراعة 

الهجمة الإرهابية 

وشعبك كان معاكي 

لبي سريع نداكي 

وقف صف واحد

ضد من عاداكي 

ولسه واقف جنبك

وهمه إنه يساعدك

ويخرجك من همك

وتعيشي أيام سعدك


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.