"جولة في سيناء" | أحمد فرحاتي

واحد دمعه على خده
واحد بيتابع الجرنال
.
وناس تبكي
وناس تنفي
وناس احساسها
فاض بركان
.
لكن الكل والنية
بيدعي وقلبه حنيه
(يا رب الستر والرحمة)
يا رب دي مصر ف القرآن
.
يارب بلدنا منصورة
بفضلك كدنا أعدائنا
طهارة الأرض وف رمضان
.
ونفس الشهر جه تاني
وشهر سعادة جه أحزان
.
وجه شياطين

بيقتلوا جندنا
شبابنا
يقولوا دا دين
.

لكن الكل والنيه
بيدعي وقلبه حنيه
(يا رب الستر والرحمة)
يا رب احفظنا م العدوان
.
واحفظ مصرنا
الأمة
.
ووحد لينا قوتنا
واقبل منا دعوتنا
ف شهر صيام
.
(يا رب الستر والرحمة)
في كل مكان
.
ومين يمشي
في كل شوارع المحروسة
يلقى زحام
.
وأرض بدم رويانه
وريحة مسك
منسية
تجيب له زكام
.
وتلقى أضاحي مذبوحة
خراف وبفتوى
قالوا قربان
.
يا رب الأمة عربية
دماء أبنائها مسفوكة
وحرمة دمهم ضاعت
في كل مكان
.
وباسمك
قالوا بنجاهد، ولا جاهدوا
وشرع الله خلاص
طوفان
.

(يا رب الستر والرحمة)
وعفو وتوبة
عن عصيان
.