الرئيسية » » رسمت احلامى | أسامة فؤاد حنا

رسمت احلامى | أسامة فؤاد حنا

Written By Unknown on الثلاثاء، 7 يوليو 2015 | 3:25 م



رسمت احلامى ف صورة
وف يوم شفتها مكسورة
حلمى ضاع قدام عينى
وكانت الناس بيه مبهورة
كانت الصورة ف بروازى
والحاسدين كسروا ازازى
وسقونى المر ف كاسى
ماهى دنيا قاسية وغرورة
بكيت من حرقتى وقهرى
ع الدنيا اللى قسمت ضهرى
مش راضية ابدا تصالحنى
وضيعت حلمى بسهولة
ليه يا دنيا دستى عليه
قتلتى فرحى بدون ديه
جرحك فى القلب بينزف
وصوابعك ع القفا محفورة
حتى الصحاب خانوا عيشى
والكل بقى ينتف ريشى
نهشوا لحمى بدون رحمة
زى الديابة المسعورة
والحبيب سابنى وولى
ما سبشى غيراسى ومذلة
مرضيش ابدا يسامحنى
مع انها الغلطة الاولى
كل الناس خانوا عهدى
وسابونى لاحزانى وسهدى
كتبوا حياتى ف اغنية
وحكايتى ف مووايل مشهورة
يا دنيا ايه اللى جرالك
هو مفيش غيرى قدامك
وخدانى لعبة وتتسلى
وتشوطينى زى الكورة
خلاص مش قادر استحمل
طول عمرىتعبان متبهدل
مش طالب غير انى اعيش
كيف الناس المستورة
التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.