الرئيسية » » فيلم قديم | إيناس البنا

فيلم قديم | إيناس البنا

Written By Unknown on الأربعاء، 27 أغسطس 2014 | 5:03 ص



فيلم قديم

 
 
فهمونا زمان إن غنوة الفيلم دايماً للحبيبة
و صحينا بعد الغنوة بنغنى
و كل بنت جواها صورة م الفيلم
بتتحرك
بتروى الحكاية زى زرعة قلبها
و الحكاية أصلها ليلة ب ورقة نتيجة
بتتغير
كنت بأكرمش الورقة و أرميها
زى برضه فيلم قديم لكاتب فكرته تايهة
بس كرمشتى إنتقام من يوم خنقنى
حالف ليعمل عقدة
وينط فوق الحل و يغميه
بأقفل عليه الحلم يفتح لى
ماسك إيديا و مركز على الننى
و فريد "و حياة عنيكى "
حضن و يقول " مش كفاية"أصحى من خوفى
و أكتفى بالحلم صابح
كل يوم يشرق معايا و ينطفى
من كام سنة
نجمتين الحلم هربوا
ماسكين ف سيرة مين عايشنى و مين أنانى ؟
بليت ف أستيكة و مسحت الضى
و نزلت ع الأرض فارد إيديا بحضنها
النخلة زقتنى
مسك فيا البلح
وزى اليويو علقنى
 


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.