وردة دبلانه ف فازه قزاز
#وردة دبلانه ف فازه قزاز .. بتستنى الامل يجي ويرويها ..
#دمعه بالعافية تبان للناس .. تعاند ف اللي كان نفسه بجد صحيح يخبيها..
#حلم بيعاند عشان ميمتش ..ويفضل صاحب الاحلام مقضيها
#شفه مطبوعه ف طرف الكاس .. بيمسحها ويفضل فيه أثر ليها..
#وردة دبلانه ف فازه قزاز .. بتستنى الامل يجي ويرويها .. فيتأخر..
#دمعه بالعافية تبان للناس .. تعاند ف اللي كان نفسه بجد صحيح يخبيها.. فيتأثر..
#حلم بيعاند عشان ميمتش ..ويفضل صاحب الاحلام مقضيها كاسات ف كاسات .. عشان يسهر ..
#شفه مطبوعه ف طرف الكاس .. بيمسحها ويفضل فيه أثر ليها.. فبيغير كاسات الحزن
#وردة دبلانه ف فازه قزاز .. بتستنى الامل يجي ويرويها .. فيتأخر.. فتنزل
#دمعه بالعافية تبان للناس .. تعاند ف اللي كان نفسه بجد صحيح يخبيها.. فيتأثر.. فتحييها وتحيي ..
#حلم بيعاند عشان ميمتش ..ويفضل صاحب الاحلام مقضيها كاسات ف كاسات .. عشان يسهر .. مصاحب
#شفه مطبوعه ف طرف الكاس ..بيمسحها ويفضل فيه أثر ليها.. فبيغير كاسات الحزن بالفرحه..
ويتغير عشان يروي بالأمل ورده ويمسح م العيون دمعه.. ويحي الحلم
#بيتغير عشان يقدر يكمل كمان مشهد ف نفس الفيلم
