"اخر مكالمه"
اسلام ياسين
اخر شتا للمجروحين
من كام سنه
والمطر نازل حزين
كان يدوب بيرد شايف
ضي شارد جوا ضلمه
كان مخبى دموعه عارف
ان دى اخر مكالمه
رغم كان باين بيضحك
وسط كل الموجودين
كان ف قلبه الف صرخه
بيندهوا مش مسموعين
كان تملى اخر المكالمه
اد المكالمه مرتين
زى اى اتنين احبه ومغرمين
بس النوبادى
قرر يودعها ف يومين
يومها حست من كلامه
حاجه اكثر م الحنين
ايوه جاهزه ليوم ميلادك
قولى هتخرجنا فين؟!
والى رد عليها منه
غصب عنه دمعتين
قال بحبك الف مره
ف ثانيتين
قال دموعى النازله
فرحة مشتاقين
وانه مستنيها تيجى
تحيي حبة ذكريات
وانه كان محظوظ قوى
م الشتا لحد الى فات
وانه كان حابب يبقى
ف حبه ليها امنيات
قال مانيش بعدك هعيش
اعياد ميلاد
والحقيقه
كات حقيقة اى
قصة حب كامله
النهايه مش بتفرق
فى المعامله
هيا عارفه رغم كل الحب بينهم
ان دى اخر مكالمه
