حاجات كتير
هنا فيface book ahmed noga word's حاجات كتير
لقيت ناس كتير غايبين من سنين موبايلاتهم مقفولة
واللي سافر
واللي إتجوز
واللي واقف عالحدود
واللي كان أنتيم لدود
واللي تاه وسط الزحام
واللي مني كان قريب بس عني خلاص بعيد أصله فارق الحياة
فيه حكاوي لناس كتيرة بنواسيهم
فيه مشاعر ناس غريبة
فيه دموع للسهرانين
فيه شكاوي حيرانين من الفراق ويا الحنين
فيه كتير من الطيبين
فيه سؤال محتاج جواب
فيه صحاب خانوا الوعود
فيه كتير فارقوا الحياة ولدعانا محتاجين
فيه مريض عنه بنسأل
فيه مشاكلنا الكتير
فيه أمل عيل صغير
فيه شهادة مدرسة والحبايب بتباركلي
فيه أكلتوا أيه النهاردة
ونمتوا ولا سهرانين
فيه ندردش ويا ناسنا
فيه نكت ماركة آساحبي
فيه نتيجة الإمتحان
وفيه صور لأم الشهيد
وفيه جنازة لقلب مات
وفيه جنازة للضمير
فيه جنازة للصراحة وماتوا كل المخلصين
فيه سؤال عن أمتا راحة
وفيه شبابنا المظلومين لما راحوا الجامعة فضلوا تعابنين٤ سنين
فيه شباب عالشغل دور
فيه قهاوي لعطلانين
فيه أنا بكيت عالصور شوفت فيها كتير عبر
فيه لذكر الله آيات
فيه كتير مستغفرين
فيه اللي كاتب شعري شاب
فيه اللي إسمه أمير عذاب
فيه كتير ممثلين
فيه حرامي طلع براءة
فيه صور للمحبوسين
فيه صور لزينة عرفة كانت ضحية مجرمين
فيه دموع ريهام سعيد جات تقول إتبرعوا عشان فلان طفل ومريض
فيه ولد شكله جميل بس بالسرطان عليل
فيه دموع أهله عليه طلعوا عالشاشة وقالوا إتبرعوا ولو بالجنيه
فيه أمل تبقي بلدنا أيدها واحدة
فيه بنات كتير بتصرخ من التحرش مستاءين
فيه مظاهرة لمظلومين مات ولدهم ضاع سندهم
فيه كتير من المحتاجين لينا نساعدهم
فيه كتير فيه كتير فيه كتير
لو فضلت لبكرة أحكي
مش هتخلص الحالات
كومنت صاحبي ولا زعله لما كنت في تاج مريض
ولا ضحكة بنت حلوة لما كان حالي سعيد
فيه كتير من وقتي ضاع وفيه هقابل ناس كتير
فيس بوك أصبح في الحياة زي النفس ليه محتاجين
