إثبت بقي
آسر فاروق
إثبت بقي
إثبت بقي جديتك
ورينا خفة خطوتك
وأبدأ مع العهد الجديد
مهما تكون إيه مهنتك
أبواب وفتحت للجميع
بعد الفشل ما كان زريع
وكنا فاقدين الأمل
في جو ممتع أو بديع
نزلت ستارة مسرحيه مسخره
أبطالها ماسخه ميفهموش في الكسبرة
مبيعرفوش حتي في دور يمثلوه
كل حياتهم كدب ونفاق وثرثرة
ربك ستر وقدرنا نكشف كدبهم
ووقفنا ليهم وقدرنا نحرق دمهم
ورجعوا تاني للجحور زي الفيران
خدنا القرار حجمنا مجمل شرهم
بينا ننده ندهه جامدة للبنا
محمود وحنا وماريا وكمان هنا
وأخوك وعمك والجيران
وأخويا وأختي وابن عمي حتي أنا
فرصة وجتنا لغاية عندنا
نجري عليها وننتهزها كلنا
نوصل ما بيننا اللي اتقطع من كام سنة
وننكر الذات والشخوص والأنا
كله ف صالحنا ولولادنا وللبشر
لما نصلح اللي في دقايق انكسر
صحيح هنبنيها في سنين
لكننا هنبقي أغني من قطر
