الرئيسية » » حكاية حلم | أحمد شاهين

حكاية حلم | أحمد شاهين

Written By Unknown on الجمعة، 1 مايو 2015 | 1:26 م




أحمد شاهين

حكاية حلم
أنا والحلم وحكايتى وأحزااااانى
حلمت الحلم خد إيدى وودانى
لدنيا غريبه لا اعرفها ولا عرفانى
وحسيت إنى فى الغربه
واحد تاااانى.......
بيضحك أه لكن من ضحكه
بكااااانى
بيضحك ضحك هستيرى
وانا وحدى مفيش غيرى
جباااال أحزاااان محوطانى
بيضحك ليه ؟؟؟
على حلمه؟؟؟
وليه الحلم ودانى؟؟؟
ما انا طول عمرى وحدانى
حكاااااايتى
حكايتى غريبه من يومها
بتصحى تنام على همومها
كأن الجرح مقسومها
ليه الأيام معندانى؟؟؟
وليه الدمعه عزفانى؟؟؟
ولحن الأه فى جوفى سنين
بيطفح يوم ورا التانى
وكل ما اقرب أفهمهاااا
يتوه المعنى فى ثوانى
وأحزاااااانى
وسكة خوف وبمشيها
تتوه الفرحه بعديها
حقيقى الضحكه وحشانى
ونفسى تعيش فى أحضانى
يا كل الناااس
يا كل الناس فى أيامى
أنا إنساااان ومن حقى
تدق الفرحه يوم بابى
واكون عااابد فى محرابى
واكون عااااشق
يهز العشق وجدااانى
وانا عارف بإن الدنيااا
مش دايمه
وإن العمر دا فااااانى
حقيقى فى عالم المااااده
بــــتـــــو ه
وارجع لرشدى ساعات
وبرضه ارجع واتوه تانى
أنا والحلم وحكايتى وأحزانى
أنا والحلم وحكايتى وأحزانى


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.