وطننا مش بيموت
قالوا الوطن بيموت
مفيش نفس ولا صوت
وناس شمتانه فيه
ماسكة ف إيدها تابوت
بيحاولوا يعلنوها
وكتير بيكرروها
إنه للموت استسلم
ولسه بيقولوها
مع إنهم عايشين
من خيره شاربين واكلين
وعليه نايمين صاحيين
وف بيتهم آمنين
لو مات هيروحوا فين
أكيد أكيد عارفين
ليهم مكان تاني
فيه ناس مستنين
باعوا الوطن ببلاش
ف قلوبهم عمره ما عاش
بيعجلوا بموته
الناس اللي متسواش
وطننا مش بيموت
وليه ف العالم صوت
ونفسه عمره طويل
ما يبص للهلفوت
واللي بيتمني له
الموت يبقي بداله
ونستريح منه
ووطننا يا هنياله
أمشوا بعيد عننا
وطننا ده ملكنا
مش هيموت بين ايدينا
هيحيا بينا كلنا
