الرئيسية » » بدايه غنائيه | إبراهيم رضوان

بدايه غنائيه | إبراهيم رضوان

Written By Unknown on الثلاثاء، 26 مايو 2015 | 2:21 م

بدايه غنائيه
نبدأ بقى .. بالمعرفه .. ببلدنا .. بركان الوفا
النصر خدنا بدون ميعاد .. يا بلدنا يا متشرفه
العسكرى .. فعلا جبل .. واقف عليه طير الأمل
الماضى جرحه بيندمل .. وياه .. وبندوق الدفا
الشعب ده .. سربين حمام ..خلوا الضلام .. يصبح سلام
واللى ضناه الليل .. ينام .. الله على فجر الصفا
يا مصر يا قصر الكرم.. إنتى ( الرغيف ) .. للى انحرم
ننده .. يقول الخير نعم .. ويقول .. نِنُول كل الشفا
الله على خير الإله.. وهلال بينده ع اللى تاه
هو الكلام .. طاهر صداه .. هو محيط المعرفه
يا مصرى يا إبن الأصول.. شلال كرم .. نازل سيول
خَلى " غريب الدار " ينول.. نسمه كريمه مهفهفه
فارس وحارس قلبنا .. واقف يصلى جنبنا
هو حبيبنا وحبنا .. ويمامه فينا مرفرفه
شايلين كلامك فى الكيان.. من يوم رجوعنا م الميدان
يا فارس الفرسان .. زمان.. الصبر كان فينا اختفى

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.