آسر فاروق
صحوا الضمير
صحوا الضمير يا خلق هوه
ليه مصممين تنيموه
وكل شيء بقي مستباح
واللي صاحي بتكرهوه
الفساد بقي للركب
ده حتي وطانا وركب
في الطريق وفي المصالح
والخير وقرب يتحجب
حتي المريض مبقاش يلاقي للعناية
والمستشفيات بقت طريقه للنهاية
بدال ما يدخل ويتعالج ويخرج
يعذبوه ويخرجوه وسط صناديق النفاية
فين دكاترة وملايكة الرحمة
تاهوا خلاص وضربوا ميت لخمة
والمريض بالنسبة ليهم سلعة يبيعوها
اللي ممعهشي ما يستحقش الرأفة
راح فين ضميركم يااللي حالفين القسم
أنعم عليكوا ربنا بأكبر النعم
وأداكوا عقل ووصلكوا لأعلي مكانة
عشان يعيش الناس بإيدكوا وينسوا للألم
صحوا الضميريا خلق وأفتكروايوم القيامة
لازم قلوبكوا ترق من قبل الندامة
الدنيا إيه غير عمل
آخره يا إما النار يا إما السلامة
