إنتى فى الآخر حبيبتى
إحتمال تنادينى بكره
يرجفك صوت ارتجافتى
إنتى خوفتى .. لما شوفتى
كفتى المرعوشه عايزه
تقطف العنبه اللى باقيه
إنتى خاينه.. واللا باقيه
إنتى شاربه .. واللا ساقيه
إنتى ساقيه ف غيط قديم مزروع بحنطه
شِفتك يا حببتى ( شهده )
ع اللى جوه عنيّه شاهده
شِِفتك يا حبيبتى شطه ..
والمحطه .. فيها قطرك لسه واقف
فيها ( جوزك ) لسه راجف
فارحمى الميت بدفنه
إوهبيه يا حبيبتى كفنه .. من بلوزتك
إنتى جيتى .. لما عوزتك
بس كونـتى لنيلى رافضه
وإما قلت لنيلى .. إفضى .. جيتى تانى
تسرجى قمر الأمانى
والبكا كان صوته باين
إنت مخلص .. واللا خاين ..قلبى مخلص
قلبى كان عايز يدارى
جثتك .. من كلب جايف
عينه نايمه ع الشفايف
( إنت ليه يا حبيبى خايف ؟ )
من جميع الناس عليكى
مين سفينتى غير عنيكى
مين مدينتى .. غير رموشك
مين هايقدر يوم يحوشك .. عن جزيرتى
إنتى م الأول حبيبتى
وانتى فى الآخر حبيبتى
بس لسه الموت بيتسحب ورانا
والجموع .. فى إيديها جمره
نفسهم يرمونا بيها
قبل ما تثبت إدانه
آه يا نجمايتى الحزينه .. يا هلالى
العواصف .. كسرت لىّ عزالى
طبقت خدى المطبق
بيكى لما حاولت أسبق
الكلاب .. نـتشت هدومى
التراب .. زود همومى
قولتلك قومى افردينى
زملينى .. جمعينى
وان سمعتى صوت أنينى
يا حبيبتى .. سبلينى
وادفنينى ف صدرك المخلوق عشانى
ما تقوليش فاضل أمانى
ما تعنيش حتى القصيده
الليالى بقت معاده
والسعاده .. وهم أجوف
الطريق أصبح يخوف
والإيدين عماله ترجف
واحنا ( حوا ) .. واحنا ( آدم )
من شجر ناشف قطفنا
فى سرير واحد .. نشفنا
وارتجفنا ف لحظه واحده
لما داستنا العوادم
لما قولنا خلاص هانبدأ
لما قولنا الدنيا مبدأ
إلتقينا الحضن حادق
والتقينا البعد أحدق
فيكى ميت مليون حقيقه
جوه ميت مليون تردد
معركه نفسيه قايده
إنتى ناقصه .. واللا زايده
إنتى ناقصه هموم ؟ .. كفايه
الهموم اللى ف عنيكى
الرماد اللى ف إيديكى
الفراغ اللى ف جيوبك
ما تقوليش : دا غالى عندى
ما تقوليش أبداً حبيبك
الحبيب .. رابط عيونه
لما كل الكل خانه
واتجاهه
بعد ما صلى لإلهه
إتجاهه .. قوقعه يتدارى منهم
الكلاب .. وحكيت ليالى ..
بالدموع المره عنهم
ودعينى
إنكسر فىّ شموخى
لما شافوا دموع عيونى
وانتى ( عذرا )
مهما أقسى .. لىّ عازرا
فاستعدى .. فى العيون بانت مؤمراه
وانتى مش قد المغامره
إنتى عيشتى العمر نسمة شوق مسالمه
يا سلامه .. هات لسالمه
مركبه تحميها من نار العواصف
إوعى لو فارقت تقول لعنيها ( آسف )
تعتذر إزاى لنفسك
ضربه الشمس الرهيبه
مستحيل ها تجيبها شمسك
إستعد لجوله هاتكون الأخيره
أو .. يا دوب قبل الأخيره
واستعدى يا أميره
الحصان عمال بينهج
والعيون ع الكون مطيره
والدروب .. صبحت فقيره
والفناره .. ضلمت جوه الفناره
والخساره .. واضحه جداً
الخساره .. إننا بنحب بعض بشكل واضح
بس فيه فى السكه ميت مليون إشاره
بس فيه تمثال حجاره
شايل السيف المصدى
إستخبى ف دمى .. ضُمى إيديكى فىّ
حاولى ويايا تعدِّى
السيوف كترت علينا
سيبنا مكه .. للمدينه
السيوف كترت علينا
فى الزحام .. وقعت عنينا
السيوف كترت علينا
داسوا بالأفيال عنينا
والتقينا .. نفسنا من غير هدوم .. قدام مرايه
إبتدت فينا الحكايه
وإنتى صابره
عذراّ .. طاهره
عايزه إيه ياحبيبتى قولى
الجراح .. بتهز عرضى
والرياح .. بتهز طولى
يا حلالى
يا قمر فى الليل نادالى
والتقيت فيه امتثالى
إلتقيت حبى الخيالى
والتقيت قنديلى فى حالة توهج
بس بعد دقيقه .. كان مرجو ف بيد بل
جوه ليله .. نبضها .. كان صوته عالى
ليله .. غير كل الليالى
ليله .. أكبر من خيالى
من نجومها الطاهره جداً
فى سكون .. شربت خيولى
والتقيت مليون إجابه
فى سكوتها .. عن سؤالى
إبتسم فى الليل هلالى
وابتديت أشعر بأنى
جوه دنيا الحب غالى
إدخلى على جسدى شامخه
يا حبيبتى لا تبالى
واكتبى ع القبر جمله حروفها واضحه
كان حبيبى .. حبيب مثالى
كان حبيبى .. حبيب مثالى
يرجفك صوت ارتجافتى
إنتى خوفتى .. لما شوفتى
كفتى المرعوشه عايزه
تقطف العنبه اللى باقيه
إنتى خاينه.. واللا باقيه
إنتى شاربه .. واللا ساقيه
إنتى ساقيه ف غيط قديم مزروع بحنطه
شِفتك يا حببتى ( شهده )
ع اللى جوه عنيّه شاهده
شِِفتك يا حبيبتى شطه ..
والمحطه .. فيها قطرك لسه واقف
فيها ( جوزك ) لسه راجف
فارحمى الميت بدفنه
إوهبيه يا حبيبتى كفنه .. من بلوزتك
إنتى جيتى .. لما عوزتك
بس كونـتى لنيلى رافضه
وإما قلت لنيلى .. إفضى .. جيتى تانى
تسرجى قمر الأمانى
والبكا كان صوته باين
إنت مخلص .. واللا خاين ..قلبى مخلص
قلبى كان عايز يدارى
جثتك .. من كلب جايف
عينه نايمه ع الشفايف
( إنت ليه يا حبيبى خايف ؟ )
من جميع الناس عليكى
مين سفينتى غير عنيكى
مين مدينتى .. غير رموشك
مين هايقدر يوم يحوشك .. عن جزيرتى
إنتى م الأول حبيبتى
وانتى فى الآخر حبيبتى
بس لسه الموت بيتسحب ورانا
والجموع .. فى إيديها جمره
نفسهم يرمونا بيها
قبل ما تثبت إدانه
آه يا نجمايتى الحزينه .. يا هلالى
العواصف .. كسرت لىّ عزالى
طبقت خدى المطبق
بيكى لما حاولت أسبق
الكلاب .. نـتشت هدومى
التراب .. زود همومى
قولتلك قومى افردينى
زملينى .. جمعينى
وان سمعتى صوت أنينى
يا حبيبتى .. سبلينى
وادفنينى ف صدرك المخلوق عشانى
ما تقوليش فاضل أمانى
ما تعنيش حتى القصيده
الليالى بقت معاده
والسعاده .. وهم أجوف
الطريق أصبح يخوف
والإيدين عماله ترجف
واحنا ( حوا ) .. واحنا ( آدم )
من شجر ناشف قطفنا
فى سرير واحد .. نشفنا
وارتجفنا ف لحظه واحده
لما داستنا العوادم
لما قولنا خلاص هانبدأ
لما قولنا الدنيا مبدأ
إلتقينا الحضن حادق
والتقينا البعد أحدق
فيكى ميت مليون حقيقه
جوه ميت مليون تردد
معركه نفسيه قايده
إنتى ناقصه .. واللا زايده
إنتى ناقصه هموم ؟ .. كفايه
الهموم اللى ف عنيكى
الرماد اللى ف إيديكى
الفراغ اللى ف جيوبك
ما تقوليش : دا غالى عندى
ما تقوليش أبداً حبيبك
الحبيب .. رابط عيونه
لما كل الكل خانه
واتجاهه
بعد ما صلى لإلهه
إتجاهه .. قوقعه يتدارى منهم
الكلاب .. وحكيت ليالى ..
بالدموع المره عنهم
ودعينى
إنكسر فىّ شموخى
لما شافوا دموع عيونى
وانتى ( عذرا )
مهما أقسى .. لىّ عازرا
فاستعدى .. فى العيون بانت مؤمراه
وانتى مش قد المغامره
إنتى عيشتى العمر نسمة شوق مسالمه
يا سلامه .. هات لسالمه
مركبه تحميها من نار العواصف
إوعى لو فارقت تقول لعنيها ( آسف )
تعتذر إزاى لنفسك
ضربه الشمس الرهيبه
مستحيل ها تجيبها شمسك
إستعد لجوله هاتكون الأخيره
أو .. يا دوب قبل الأخيره
واستعدى يا أميره
الحصان عمال بينهج
والعيون ع الكون مطيره
والدروب .. صبحت فقيره
والفناره .. ضلمت جوه الفناره
والخساره .. واضحه جداً
الخساره .. إننا بنحب بعض بشكل واضح
بس فيه فى السكه ميت مليون إشاره
بس فيه تمثال حجاره
شايل السيف المصدى
إستخبى ف دمى .. ضُمى إيديكى فىّ
حاولى ويايا تعدِّى
السيوف كترت علينا
سيبنا مكه .. للمدينه
السيوف كترت علينا
فى الزحام .. وقعت عنينا
السيوف كترت علينا
داسوا بالأفيال عنينا
والتقينا .. نفسنا من غير هدوم .. قدام مرايه
إبتدت فينا الحكايه
وإنتى صابره
عذراّ .. طاهره
عايزه إيه ياحبيبتى قولى
الجراح .. بتهز عرضى
والرياح .. بتهز طولى
يا حلالى
يا قمر فى الليل نادالى
والتقيت فيه امتثالى
إلتقيت حبى الخيالى
والتقيت قنديلى فى حالة توهج
بس بعد دقيقه .. كان مرجو ف بيد بل
جوه ليله .. نبضها .. كان صوته عالى
ليله .. غير كل الليالى
ليله .. أكبر من خيالى
من نجومها الطاهره جداً
فى سكون .. شربت خيولى
والتقيت مليون إجابه
فى سكوتها .. عن سؤالى
إبتسم فى الليل هلالى
وابتديت أشعر بأنى
جوه دنيا الحب غالى
إدخلى على جسدى شامخه
يا حبيبتى لا تبالى
واكتبى ع القبر جمله حروفها واضحه
كان حبيبى .. حبيب مثالى
كان حبيبى .. حبيب مثالى
