باحب الخير
طول عمر باحب الخير
وباحلم بالتغيير
باعمل علي اد ما بقدر
ما ف حيلتي إلا ضمير
كلي حب وإخلاص
عايز أخدم كل الناس
من غير أغراض شخصية
ولا إيد عايزه تتباس
هاتوا ايدكم يلا ف ايدي
جديدكم ويا جديدي
نرسم سكة لبلدنا
ونودع عهد حديدي
النور شايفه قدامي
بيشاور علي أحلامي
بيقولي يلا بسرعة
وزع ع الناس عنواني
وريهم سكة خير
وقول محتاجة ضمير
قوة وهمه وعزيمة
علشان ف الصح نسيير
وعملهم يبقي بداية
وقلوبهم تبقي معايا
يبقوا بالعين شايفني
وظلامهم يبقي نهاية
هات إيدك ويا إيديهم
خد عهد يا غالي عليهم
ولا يوم يتخلوا عنك
يراعوك وانت تراعيهم
