اصعب تمن
لسه ياقلبى مدفعتهوش
لما تلاقى اللى تحبه ف الهوى اصلا ملوش
لما تدوب فيه تعشقه والحب ده ميقدروش
اصعب تمن
لما الزمن يقسى عليك
ويبكي ضي دموع عنيك
والعمر يجري من اديك
ميفضلشى ليك غير الشجن
اصعب تمن
لما يفرح فيك حبيبك
اللي فاكره من نصيبك
لما تبكى بحرقتك
لما تشرب دمعتك
لما تنده ع اللى ضاع منك
متلقاش دنيتك
اصعب تمن
لما تلقاك فات معادك
لما يكسر فيك عنادك
لما تبقى الوحده زادك
والمشاعر ف الكفن
اصعب تمن
لما تصرخ غصب عنك
ع اللى حبيتو وخدعك
ع اللى عليتو ووضعك
لما تتالم كرامتك تمتهن
اصعب تمن
لما يبكي عليك شيطانك
لما يتعجب زمانك
م اللى باعك ماللى خانك
م اللى حطم فيك كيانك
م اللى سا بك للمحن
واللى اصعب من كده
لما ترضى بكل ده
وتعيش معاه الجرح ده
ويقولك انت مالك تمن
اصعب تمن
