"ماتدمعيش"
اسلام ياسين
ماتدمعيش
لوكان مصيرنا
زى غيرنا فى الفراق
ماتدمعيش
لو عدى من غير ماتشوفينى
الف اشتياق
ماتدمعيش
البعد مش ديما حزين
ساعات يكون الحب احلى بالحنين
بس ماتخليش دموعك تغلبك
خليكى اقوى م السنين
انا اى شئ ف الكون يهون
ولا اشوف عنيكى مدمعين
وهنعمل ايه نصيب ومكتوب ع الجبين
مكتوب اشوفك فى احلامى
يوم بعد يوم
تملى بتيجى بصالى
وتبتسمى انسى الهموم
تملى ساكنه ف العالى
بمد اديا بالكدب
واطول الشمس واشب
مافيش غير دمعه واصلالى
اتارى البسمه زى سراب
واتارى الحلم كان غالى
بلاش تزورينى فى الاحلام
مادمتى بتيجى مابطولكيش
بلاش تتمنى شئ ميت
وعشمانه بأنه يعيش
ولو زاد البعاد اكثر
فسامحينى مانيش هقدر
اقول ياعنيا ماتبكيش
لكن كل الى نفسى انا فيه
ده لو زورتينى يوم تانى
متدمعيش
