إحساس مؤلم
آسر فاروق
إحساس مؤلم
إحساس مؤلم لما تشوف الناس بتموت
وان أملها في لحظة وثانية يلقي خبوت
ومتقدرش تقدم ليهم أي مساعدة
وتشيعهم بعد ساعات جوة تابوت
ويكون موتهم علي إيد خاين
عايش وسطينا ومش باين
بيصلي دايما في مساجد
بيكبر من أعلي مداين
بيمثل دور الإنسان
العابد في كل مكان
ومحسسنا إنه شريف
وبيخدعنا بالإيمان
بيساعد لإيدبن محتاجة
وبيطعمم ناس عايشة غلابة
وبيتظاهر انه ملاك
وف ليله بيدبر حاجة
هو وشلة من المهابيل
عاملين خطة للتفشيل
زرع قنابل حرق كنايس
وهدفهم بس التعطيل
تعطيل كل مسار الدولة
ومتعملشي أي محاولة
ولا تسعي لخطوة تعديل
وتخسر هي اول جولة
تعديل عهدين كانوا مرار
عهدين أسوأم الاستعمار
عاش الشعب الخوف والحاجة
وما شاف أبدا الاستقرار
ده أملنا في الله موجود
فارد مادد ماله حدود
وبرغم آلامنا وأحزاننا
هنعدي أعلاها سدود
