يااللي إنت خدتها مني
حرمتني من طلتها
حافظ عليها وراعيها
أرجوك تحلي دنيتها
كانت حبيبتي ونور عيني
وقربها بيدفيني
من بعدها أبدا ولا حد
ف الكون ده كله يكفيني
نصيبنا بقي وهنعمل إيه
هنقول إيه وهنعيد إيه
هو القدر حد يقوله
اللي حصل كان أصلا ليه
ورضينا كلنا بالمقسوم
مع إني وحدي هبات محروم
بقيت وحيد ف الدنيا بحالها
وهعيش حياتي وأنا مظلوم
لكن المهم تفرحها
أوعي في حياتك تجرحها
لو دمعه من عينها نزلت
إيدك بدالي تمسحها
