كلِّميني
كلِّميني
وانطقي كل السُكوت
إسمحي ليَّا إني أعيش
خرَّجيني من التابوت
إحكي ليَّا عن المشاعِر
والغرام المَنسي فينا
إرسمي ليَّا الطريق
وامشي في وسط المدينة
إمسكي إيديا بحنان
واعبُري بيَّا الحُدود
إقتلي فيَّا الظُنون
واهدِمي كل السُدود
حرَّكي النبض اللي ساكن
واسكُني فيَّا الأماكِن
وافتحي كل البيبان
فهِّمي قلبي اللي خايف
إنُّه حَيِّ ولسَّه شايف
رغم موتُه من زمان
